Tok Pisin Translation of 11 Barok stories

Tok Pisin Version of the Barok Stories

Pisin translation: Sharon Soma & Grace Soma

Text1--Mama
Mama i save karim pikinini.
Mama i save lukautim ol pikinini.
Mama i save kukim kaikai bilong ol family bilong em.

Text2 – I no gat bilas
Dok i bin askim Kakaruk, Kapul, Pik wantaim Pusi long kamap long bikpela kaikai bilong em. De bilong bikpela kaikai i kamap. Olgeta i bin kamap. Olgeta i bin wetim Pusi. Dok i bin salim Pik: “Pik yu go kisim Pusi”. Pik igo na Pusi i karai i stap. Pik i bin askim em: “Pusi, yu karai long wanem?” Pusi i tok: “mi nogat bilas.” Pik i bin tok: “Bilas i stap.” Pusi i bin pinis karai, na tupela i wokabaut (i go). Ol animal i bin kaikai na ol i bin bilasm Pusi wantaim ol balun. Em i bin amamas tru.

Text3—Man bilong mekim haus
Papa bilong mi i save mekim gutpela haus. Em i save mekim haus bilong olgeta man. Papa bilong mi i save mekim gutpela haus. Em i bin mekim haus bilong kandere bilong mi. Nem bilong em Ray. Papa bilong mi i save mekim gutpela haus. Em i bin mekim haus bilong Goro liklik mama bilong mi. Papa bilong mi i save mekim gutpela haus. Em i bin mekim haus bilong pupu bilong mi. Nem bilong em Mel, em longpela man. Papa bilong mi i save mekim gutpela haus. Em i bin mekim haus bilong lapun mama bilong mi. Nem bilong em Maru, em sotpela meri. Papa bilong mi i save mekim gutpela haus. Skin bilong em i tuhat long mekim ol liklik haus, longpela haus na sotpela haus. Mekim haus i wokim skin bilong papa i les. Na em i slip inap sun i kam antap.

Text4—Misinari wantaim Ben
Rodi na Ben, tupela marit. Tupela i gat wanpela pikinini. Nem bilong em Den. Den i save go skul. Em i save go skul to long Sunday. Wanpela de, Den i no bin kam bek long haus. Rodi ma Ben i bin wok long painim em. Long biknait nau, Misinari ibin kam tokim tupela marit olsem, Den i bin stilim kakaruk. Misinari i bin toktok wantaim ol famali na i bin go.

Text5—Kukim kaikai
Tes i laitim paia. Apa i kisim banana bilong kukim. Tes i sigirapim wanpela talai. Lita i katim kumu. Kaikai i tan. Ol famali i kaikai.

Text6—Mi bikpela pis
Mi bikpela pis. Skin bilong mi i lukluk gut. Mi bikpela pis. Mi save stap long bik solwara. Mi bikpela pis. Mi save laik kalap tasol long solwara. Mi bikpela pis. Mi save abrusim ol birua. Mi bikpela pis. Mi save burukim string bilong huk. Mi bikpela pis. Mi save kaikai ol liklik pis. Mi bikpela pis. Mi bikman bilong solwara.

Text7—Famali bilong Didi
Didi wantaim mama na papa bilong em, ol i save stap long wanpela peles long we. I no gat man long em. Wanpela de papa i bin stap Didi wantaim mama bilong em igo painim gam long rip. Tupela mama i kamap long nambis. Mama bilong Didi igo long rip na Didi i waswas long nambis. I bin apinun nau na mama bilong Didi igo bek nau long nambis, em ibin lukluk na i no bin lukim Didi. Em i bin painim tasol ap laplap. Em i bin singaut: “Didi yu we?” Em i bin singaut gen: “Didi yu we?” Em i traim singaut na i nogat na em i stat long karai. Em i bin kisim ap laplap bilong Didi na karai igo painim papa bilong tupela. Papa bilong Didi ibin karai nogut tru long Didi. Stat long dispela traim tupela i no save go mo long nambis long gam.

Text8--Rita i go long skul
Nem bilong em Rita. Mi save go long skul. Nem bilong teacher bilong mi em Beni. Teacher i save skulim mipela long redim buk na rait.

Text9—Man bilong garden
Wanpela de long morning, Mele i bin go long kisim kaikai bilong palanim. Em ibin lukim wanpela as bilong painap. Mele i bin kamautim na i palanim long garden bilong em. Behain long wanpela yia Mele ibin lukim wanpela painap i bin mau. Mele i bin brukim kisim dispela painap igo long peles. Ol man i bin tok olsem: “Mele, yu painim bikman bilong garden.”

Text10--Kokonas
Behain long skul, Ami i bin agere. I bin pasim rop na kalap long as bilong kokonas. I bin katim daun rop kulau. Ariap tru, Ami i bin go daun. Na katim kulau, na dringim. Na i kaikai. Ami i bin tok: “mi pulap pinis.”

Text11—Yumi tupela i pilai
Wanpela de, Bataplai i plai nabaut, antap long ol plaua. Em i tok: “bai mi painim wanpela man bilong mitupela long pilai.” Em plai i go, na i askim pisin: “Pisin, mitupela pilai.” “Larim. Mi slip wantaim kiau.” Bataplai i bin plai i go na i askim rokrok: “Rokrok mitupela i pilai.” “Larim. Skin bilong mi i les.” Bataplai i bin plai i go, na askim pis: “Pis, mitupela i pilai.” “Larim. Mi laik sidaun tasol long wara.” Bataplai i plai i go, na i askim kakaruk: “Kakaruk mitepela i pilai.” “Larim. Mi painim kaikai.” Bataplai i bin plai i go, na askim anis: “Anis mitupela i pilai.” “Larim, mi laik kisim kaikai bilong go long haus.” Bataplai i bin plai i go, na askim pik: “Pik, mitupela i pilai.” “Larim. Mi susuim ol pikinini bilong mi.” Bataplai i bin plai i go, na askim liklik meri: “Liklik meri, mitupela i pilai.” “Orait, mitupela i pilai.” Liklik meri i bin holim pas bataplai na i pasim em wantaim rop. Sore tumas long bataplai.