11 Barok stories

Text1--Nago
Nago ibo kip barok.
Nago ibo balaure a bung barok.
Nago ibo sosongot lamun na barama re ine.


Text2--Kavaim ma bilas
Vuluvun ixo seng e Xixok, Odo, Bo me Pusi ra inot xo nien taxin te ine. Bung moxo nien taxin ixo ot. Idi xirip toxo wan ot. Idi toxo xixiset me Pusi. Vuluvun ixo uguran ne Bo: “Bo oro lamus e Pusi”.
Bo ixo van me Pusi angen ixo gege.
Bo ixo ose ine: “Pusi, u gege rosa?”
Pusi ixo tengen: “Kavaim e ma bilas.”
Bo ixo tengen: “A bilas angen.”
Pusi ixo mana, na idu toxo wan.
Bung wawaguai toxo an na toxo ubilas e Pusi ma na balun. Ixo axanan arixe.

Text3--Todi moxo ton gunon
Tata re ibo roron gunon dek. Ibo roron a na gunon ko nanga di xirip. Tata re ibo roron gunon dek. Ixo ton a gunon te maruok ke. A esene iang e Rei.Tata re ibo roron gunun dek. Ixo ton a gunon te Goro nang a nago lik ke. Tata re ibo roron gunon dek. Ixo ton a gunon te tubuk ke. A sesns iang e Mel nang a todi omat. Tata re ibo roron gunon dek. Ixo ton a gunon te tubuk ke. A esene iang e Maru, nang a une vuruvut. Tata re ibo roron gunon dek. Aine ire malavang moxo roron a bo gunon lik, gunon omat ma gunon vuruvut. Ton gunon i uban e tata. Na i paluso oxa xaken.

Text4--Misinare me Ben
Rodi me Ben idu nasuon. Idu ma ong a barok lik. A esene iang e Den. Den ibo onan ta ausu. Ibo onan bolok ka ausu xo bo sade. Ong a bung e Den kaim a inot baling xo gunon. Rodie me Ben toxo wawarasivin ine. Xo domon taxin nim. Misinare ixo ot ta tengen te idu nasuon bara, Den ixo pulo a xixok. Misinare ixo woworo arixe me idiet barama na ixo wan.

Text5--Songot nien
Tes i usumot a ia. Apa i kip un ta sosongot. Tes i paxat a onga manga. Lita i kuru a paluo. Nien i moroso. Idiet barama te an.

Text6--E a en taxin
E a en taxin. Aine e ibo wawara dek. E a en taxin. E bo xisixis riso xo lamin. E a en taxin. E bo mama ra kinos ka xalik a rasi. E a en taxin. E bo vepes a iuiuo. E a en taxin. E bo xorxorop a uno moxo xonom. E a en taxin. E bo enen a inan lixilik. E a en taxin. E a orong moxo rasi.

Text7--Barama re Didi
Didi me nago me tata re ine tobo xisxis ko onga lagunon xo pala. Nang kaim pe nanga di xonan. Onga bung tata ixo xisxis me Didi xalik me nago re ine toxo wan ta semat. Idu naninen toxo ot ti loxon ne nago re Didi ixo wan ta semat me Didi ixo etos tiso loxon. Ixo aien nago re Didi ixo onan ka uruso loxon, ixo wawara ma kaim ine ra werwere e Didi. Ixo pere lo xalik oxono man. Ixo kup: “Didi nongon ule?” Ixo kup baling: “Didi nongon ule?” Ixo taxada ma kinup nang ixo urulo a gine. Ixo ton lo a xono man te Didi nixo ge vosot e tata re idu. Tata re Didi ixo ge saban arixe re Didi. Ot tingan idu te kara wan baling uri loxon ta semat.

Text8--Rita I onan ta ausu
A esene e iang e Rita. E bo onan ta ausu. A esene tena ausu re e iang e Beni. Tena ausu ibo usu e mem ta kos buk ma ra geget.

Text9--Orong moxo komo
Ong a bung xo puxu, Mele ixo wan ta kip nien ta sulo. Ixo pere lo a ong a uno nanas. Mele ixo kin lo na ixo sulo xo komo re ine. Melamu xo ong a awat Mele ixo pere lo a ong a nanas.Ixo mada. Mele ixo pit lo ina nanas uri lagunon. Nang a di toxo tengen bara : “Mele, u peresot a orong moxo komo.”

Text10--Kaka Lamas
Melamu xo ausu, Ami ixo irilong. Ixo kut lo a kulabi na ixo kaka xo uno lamas. Ixo te osu a bunun polo. Saxit mon, Ami ixo kasu. Ixo te a polo, ixo inim. Na ixo en. Ami ixo tengern: “E re masi im.”

Text11--I rat a egulos
Onga bung, e roro ixo wawawa nana, lomo xo ene purpur. Ixo tengen: “Ara warasivin te onga todi roma ra agulos.” Ixo wawa lo, nixo ose e pun: “Pun, ira ta egulos.” “Ganim. E mamaru ma karalo.” Roro ixo wawa lo nixo ose e rorok: “Rorok ira ta egulos.” “Ganim. Aine e i lon.” Roro ixo wawa lo nixo ose e en: “En, ira ta egulos.” “Ganim. E ka kinis mon ta xo ari.” Roro ixo wawa lo nixo ose e xixok: “Xixok ira ta egulos.” “Ganim. E ka warasivin nien.” Roro ixo wawa lo nixo ose e Lo: “Lo ira ta egulos.” “Ganim. E ka kio nien lamun a wowoso.” Roro ixo wawa lo nixo ose e Bo: “Bo ira ta egulos.” “Ganim. E urus a bung barok ke.” Roro ixo wawa lo nixo ose e balik lik: “Balik lik, ira ta egulos.” “Go, ira ta egulos.” Balik lik ixo ton dik e Roro nixo kubus ine ma uno. Maris belek e Roro.